Piyrszy post!

No dobra... Piyrszy post bydzie po ślonsku. Na początku pytanie po co jo to pisza? Jest miliard blogów pisanych przez zdolnych ludzi  kierzy chcą podzielić się swoimi pasjami. Ktoś tam dobrze warzy, kieryś inny spino się po górach, robi zdjyncia, jeszcze inny pisze opowiadania, pije gorzoła itd... Jo założyłech bloga... z tego samego powodu... bo miolech tako potrzeba... Potrzeba pisania, tworzynia i dzielynia się tym... dzielynia się tekstami, muzykom, ciekawymi historiami, przygodami i sytuacjami kiere przydarzyły mi się w życiu i na tyla mi zapadły w pamięci, że warto ło nich wspomnieć. Byda pisoł dużo ło Bieszczadach - kiere kochom! To mój drugi dom. Byda pisoł ło rzeczach kierymi się interesuja na codziyń i tych kiere zatrzymały mie na tyla, że trocha się ło nich dowiedziołech. Może kogoś to zaciekawi i mu się przydo. Blog tyn byda traktowoł w dużyj mierze jako pamiętnik, może trocha poradnik, zbiór myśli, dziennik pokładowy, coś w tym rodzaju. A że pomimo ścisłego umysłu - jak mi się wydaje - jestech marzycielem i często moja wyobraźnia ciągnie mie w różne dziwne miejsca, jak już wspomniołech, czuja potrzeba tworzenia i uważom że ta forma przekazu daje mi nieograniczone możliwości zobrazowania i wykreowania swojego świata. Myśla, że blog jest odpowiednim miejscem żeby zebrać wszystko do kupy i podzielić się tym z Wami. Byda się cieszył jak się Wom spodobają moje wpisy. Żeby wszyscy się cieszyli, niy zawsze bydzie po ślonsku, bo choć pochodza ze ślonska a dokładnie z Katowic - potrafię też pisać poprawną Polszczyzną.

Życza miłej lektury i w następnym wpisie przybliża Wom trocha skąd się w ogóle wziałech i czym się zajmuja. Jak już zauważyliście, mom trocha niy po kolei w gowie.